Ermənistanda minimum pensiya neçə olur?
2022-ci ildə Ermənistanda minimum pensiyanın məbləği 28600 drama qalxacaq. Məlumatı Armeniasputnik.am saytı yayıb.
Novator.az bildirir ki, 28600 dram 100 manata bərabərdir.
2020-ci ilin yekununa görə, Ermənistanda 441 min pensiyaçı olub, onların 80 mini minimum pensiya alıb.
Minimum pensiya illik inflyasiya göstəricisinə əsaslanır. 2021-ci ilin yanvar-avqust aylarında ölkədə ötən ilin eyni dövrünə nəzərən 8,8% inflyasiya getdiyi açıqlanıb.
2021-ci il iyulun 1-nə Azərbaycanda pensiyaçıların sayı 1 milyon 214,1 min nəfər göstərilib. Ölkədə minimum pensiya 200 manatdır.
