30 ildə 6-cı təyinat
Mahirə İsmayıl qızı Adnayeva Sədərək Rayon İcra Hakimiyyətinin başçısı təyin edilib. Prezident İlham Əliyev sərəncamı oktyabrın 6-da imzalayıb.
Novator.az bildirir ki, Mahirə Adnayevaya qədər yalnız bir qadın icra başçısı vəzifəsində çalışırdı: İradə Gülməmmədova. O, 2 sentyabr 2015-ci ildən Abşeron Rayon İcra Hakimiyyətinin başçısıdır.
Azərbaycanın rayonları, şəhərləri, şəhər rayonlarında icra hakimiyyətinin başçısı vəzifəsi 1991-ci il oktyabrın 18-də prezident fərmanı ilə yaradılıb. 30 ildə daha 4 qadın icra başçısı olub: Dilrubə Camalova – Lənkəran Şəhər İcra Hakimiyyətinin başçısı (1993-2000); Sədaqət Qəhrəmanova – Əli Bayramlı (indiki Şirvan) Şəhər İcra Hakimiyyətinin başçısı (1995-2005); Səmayə Piriyeva – Sabirabad Rayon İcra Hakimiyyətinin başçısı (1999-2000); Fidumə Hüseynova – Binəqədi Rayon İcra Hakimiyyətinin başçısı (2003-2005).
