Yaponiyada yeni baş nazir
Oktyabrın 4-də Yaponiya parlamentinin aşağı palatası hakim Liberal Demokrat Partiyasının sədri Fumio Kişidanı ölkənin baş naziri seçib. Novator.az-ın məlumatına görə, onu səsverməyə qatılan 458 deputatın 311-i dəstəkləyib.
Yaponiyada hökumət parlament seçkisinin nəticələri əsasında formalaşır. 2017-ci ildəki son parlament seçkisində Liberal Demokrat Partiyası və müttəfiqləri qalib gəlib. 2020-ci ilin sentyabrından Liberal Demokrat Partiyasının sədri və baş nazir olan Yoşihide Suqa ötən ayın əvvəlində istefa bəyanatı verib. Sentyabrın 29-da Fumio Kişida Liberal Demokrat Partiyasına sədr seçilərək baş nazirliyə namizəd olub.
1957-ci il təvəllüdlü Fumio Kişida 2012-2017-ci illərdə xarici işlər naziri postunu tutub.
Mənbə: Kyodonews.net
