Xəbərlər yüklənir ...
Gürcüstanda yerli seçkilərin ikinci turu oktyabrın 30-na təyin olunub. Həmin gün 20 şəhərdə, o cümlədən paytaxt Tbilisidə mer müəyyənləşəcək. Novator.az bildirir ki, oktyabrın 2-də keçirilmiş ilk turun rəsmi nəticələrinə görə, 44 şəhərdə hakim Gürcü Arzusu – Demokratik Gürcüstan Partiyasının namizədləri 50 faizdən çox səs toplayaraq mer seçilir.
43 partiyanın qatıldığı 2 oktyabr seçkisi həmçinin yerli məclisləri əhatə edib. Mərkəzi Seçki Komissiyasının hesabatına əsasən, Gürcü Arzusu – Demokratik Gürcüstan Partiyası 46,69 faiz səslə önə çıxıb, sabiq prezident Mixail Saakaşviliyə bağlı müxalif Vahid Milli Hərəkat Partiyası 30,7 faiz, keçmiş baş nazir Georgi Qaxariyanın Gürcüstan Uğrunda Partiyası 7,8 faiz səs yığıb.
Parlament respublikası olan Gürcüstanda hökuməti parlamentdə çoxluq əldə edən partiya formalaşdırır. 2012, 2016 və 2020-ci illərin parlament seçkilərində Gürcü Arzusu – Demokratik Gürcüstan Partiyası qalib gələrək hökumət qurub.
Mənbə: Sputnik-georgia.ru
Gürcüstan: seçki və dönüş ərəfəsində