Neftsiz ixracın lider məhsulları
İqtisadi İslahatların Təhlili və Kommunikasiya Mərkəzi ixrac icmalı yayıb. Novator.az bildirir ki, rəsmi hesabata görə, 2021-ci ilin yanvar-avqust aylarında Azərbaycandan xaricə 1,6 milyard ABŞ dolları dəyərində qeyri-neft məhsulu göndərilib, bu sektor üzrə ixrac 2020-ci ilin səkkiz ayı ilə müqayisədə 37,1 faiz artıb.
İxracda meyvə-tərəvəz məhsulları 364,7 milyon dollarla ilk sırada göstərilir.
Statistikaya əsasən, ixrac edilən qeyri-neft sektoru mallarının ilk üçlüyü belədir: pambıq mahlıcı (143,8 milyon dollar), qızıl (140,1 milyon dollar), pomidor (128,2 milyon dollar).
Rusiyaya 522,3 milyon dollar, Türkiyəyə 407,3 milyon dollar, İsveçrəyə 154,9 milyon dollar, Gürcüstana 109,5 milyon dollar, ABŞ-a 48 milyon dollar dəyərində qeyri-neft ixracı gerçəkləşdiyi vurğulanır.
