Sentyabrın 29-u Yaponiyada hakim Liberal Demokrat Partiyasına yeni sədr seçilib: Fumio Kişida. Novator.az-ın məlumatına görə, 1957-ci il təvəllüdlü Fumio Kişida 2012-2017-ci illərdə xarici işlər naziri olub. Liberal Demokrat Partiyasının sədri postuna gəlişi ilə o, baş nazirliyə namizəd statusu alıb.

Yaponiyada dövlət başçısı kürsüsündə imperator Naruhito əyləşir. Hökumət parlament seçkisinin nəticələri əsasında formalaşır. 2017-ci ildəki son parlament seçkisində Liberal Demokrat Partiyası və müttəfiqləri qalib gəlib. 2020-ci il sentyabrın 14-də Liberal Demokrat Partiyasının sədri seçilmiş, sentyabrın 16-da baş nazir postuna təsdiqlənmiş Yoşihide Suqa reytinqinin aşağı düşməsi səbəbindən bu il sentyabrın əvvəlində istefa bəyanatı verib.

Baş naziri Yaponiya parlamentinin aşağı palatası təsdiqləyir.

Mənbə: KyodoNews.net