Xalsızlığa davam
UEFA Çempionlar Liqasının qrup mərhələsində ikinci tur start götürüb. Novator.az-ın məlumatına görə, C qrupunda yarışan Türkiyə təmsilçisi “Beşiktaş” sentyabrın 28-i səfərdə “Ayaks”a (Niderland) 2 cavabsız topla yenilib.
“Borussiya” (Dortmund, Almaniya) – “Sportinq” (Portuqaliya) oyununda 1:0 hesabı qeydə alınıb.
İki turdan sonra “Ayaks”la “Borussiya” 6 xal toplayıb, “Beşiktaş”la “Sportinq” xalsızdır.
Reqlamentə əsasən, 1/8 finala ilk iki pillənin sahibi çıxır, üçüncü yeri tutan Avropa Liqasına köçür.
2021-2022 mövsümünün komandalarından 13-ü yarışda titul sahibidir. 1955-ci ildə yaradılan, 1991-ci ilə qədər Çempionlar kuboku adı daşımış turnirdə “Real” 13, “Milan” 7, “Bavariya” və “Liverpul” 6, “Barselona” 5, “Ayaks” 4, “İnter” və “Mançester Yunayted” 3, “Benfika”, “Yuventus”, “Portu” və “Çelsi” 2, “Borussiya” (Dortmund) 1 uğur əldə edib.
