Səkkiz aylıq xarici ticarət statistikası
2021-ci ilin səkkiz aylıq xarici ticarət statistikası açıqlanıb. Novator.az bildirir ki, Dövlət Gömrük Komitəsi yanvar-avqust aylarında 12 milyard 935,3 milyon dollarlıq ixrac, 7 milyard 349,5 milyon dollarlıq idxal qeydə alıb, 180 ölkə ilə ticarət əməliyyatı aparılıb, gömrük orqanları büdcəyə 2 milyard 810 milyon manat vəsait ödəyib.
Rəsmi məlumata əsasən, ixracın 8,2 faizi MDB ölkələrinin, 54,3 faizi Avropa İttifaqı ölkələrinin, 37,5 faizi başqa ölkələrin payına düşüb.
İdxalda MDB-nin payı 23,5 faiz, Avropa İttifaqının payı 19,8 faiz, başqa ölkələrin payı 56,7 faiz göstərilir.
Yanvar-avqust aylarında əsas tərəfdaş İtaliya olub, bu ölkə ilə ticarət ümumi dövriyyənin 25,5 faizi həcmində rəsmiləşib.
İxracda əsas ölkə İtaliya (ümumi ixracın 37,7 faizi), idxalda Rusiyadır (16,8 faiz).
Hesabata görə, ixracın 87,7 faizi neft-qaz sektoruna daxil olan mallardır, idxalda ən böyük pay maşın, mexanizm, elektrik avadanlıqları və onların hissələrinə düşür: 24,6 faiz.
