Məşğulluq və xidmət hesabatları
Dövlət Statistika Komitəsinin 2021-ci il sentyabrın 1-nə olan hesabatında Azərbaycanın iqtisadi fəal əhalisinin 4 milyon 965,4 min nəfəri məşğul əhali kimi göstərilib. Novator.az bildirir ki, rəsmi açıqlamaya görə, avqustun 1-nə muzdlu işçilərin sayı 1 milyon 689,7 min nəfər olub, dövlət sektorunda 905,4 min nəfər, qeyri-dövlət sektorunda 784,3 min nəfər çalışıb.
İqtisadiyyatın neft-qaz sektorunda 31,9 min nəfərin işlədiyi vurğulanır.
Yanvar-iyul aylarında bir işçiyə düşən orta aylıq işlənmiş iş saatları 143,4 saat həddində rəsmiləşib, orta maaş neft-qaz sektorunda 3207,5 manat, qeyri neft-qaz sektorunda 678,1 manat, dövlət müəssisələrində 646,2 manat, özəl müəssisələrdə 827,8 manat olub.
Başqa hesabata əsasən, yanvar-avqust aylarında ictimai iaşə dövriyyəsi 2020-ci ilin eyni dövrü ilə müqayisədə 15,4 faiz, əhaliyə göstərilən ödənişli xidmətlərdən əldə olunan gəlir 4,9 faiz artıb.
