Media hüquqçusu Ələsgər Məmmədli Dünya Genişzolaqlı Sürət Liqasının internetin sürəti üzrə hesabatına nəzər salıb. O yazır ki, Azərbaycan 224 ölkə arasında 167-ci yerdədir: “Dörd ildə böyük geriləmə var – 2017-ci ildə Azərbaycan internet sürəti reytinqində 102-ci yerdə idi. Dünyada internetin orta sürəti saniyədə 30 meqapikseldir. Azərbaycanda göstərici orta sürətdən 5 dəfəyə yaxın geridədir”.
Novator.az-ın məlumatına görə, Dünya Genişzolaqlı Sürət Liqası Azərbaycanda internetin sürətini saniyədə 6,63 meqapiksel göstərir.
Ermənistanda internet saniyədə 18,05 meqapiksel, Gürcüstanda 13,83 meqapiksel, Türkiyədə 11,58 meqapiksel, İranda 7,05 meqapiksel güclə işləyir.
Rusiyada internetin sürəti saniyədə 35,73 meqapiksel, Ukraynada 25,26 meqapiksel, Belarusda 19,86 meqapikseldir.
Digər yaxın ölkələr internetin sürəti baxımından belə sıralanır:
Estoniya – saniyədə 84,72 meqapiksel
Latviya – saniyədə 63,28 meqapiksel
Litva – saniyədə 56,17 meqapiksel
Moldova – saniyədə 36,47 meqapiksel
Qırğızıstan – saniyədə 7,44 meqapiksel
Özbəkistan – saniyədə 6,64 meqapiksel
Qazaxıstan – saniyədə 5,83 meqapiksel
Tacikistan – saniyədə 1,82 meqapiksel
Türkmənistan – saniyədə 0,50 meqapiksel.
Mənbə: Cable.co.uk
