Diasporla İş üzrə Dövlət Komitəsində yeni təyinat
Vəsilə Vahidqızı Diasporla İş üzrə Dövlət Komitəsinin təbliğat, informasiya və analitik təhlil şöbəsinin müdiri təyin edilib. Əmr sentyabrın 7-də imzalanıb.
Bakı Dövlət Universitetinin jurnalistika fakültəsinin məzunu olan Vəsilə Vahidqızı 1992-ci ildən Azərbaycan Televiziyasında, 2002-ci ildən “İnternyus-Azərbaycan” İctimai Birliyində, 2004-cü ildən “Space” TV-də, 2005-ci ildən İctimai Televiziyada çalışıb, 2018-ci ildən Diasporla İş üzrə Dövlət Komitəsinin mətbuat katibi postunu tutub.
2015-ci ildə ölkədə kütləvi informasiya vasitələrinin inkişafındakı xidmətlərinə görə “Tərəqqi” medalı ilə təltif edilib.
