Kabinetin dərs və tətil qərarı
Nazirlər Kabineti 2021-2022-ci tədris ili üzrə qərar verib. Novator.az bildirir ki, qərara görə, ümumi təhsil pilləsinin məktəbəhazırlıq mərhələsində əyani təhsil oktyabrın 1-dən; ümumi təhsil pilləsinin ibtidai təhsil səviyyəsi üzrə sentyabrın 22-dən; ümumi təhsil pilləsinin ümumi orta və tam orta təhsil səviyyələri, həmçinin təhsilin digər pillələri və digər təhsil müəssisələri üzrə sentyabrın 29-dan başlayır.
İbtidai təhsil səviyyəsi üzrə payız tətili günlərindən 16-18 noyabr, qış tətili günlərindən 27, 28 yanvar; ümumi orta və tam orta təhsil səviyyələri üzrə, eləcə də təhsil fəaliyyətini həyata keçirən digər müəssisələrdə payız tətili günlərindən 16-19 noyabr, qış tətili günlərindən 27, 28 və 31 yanvar dərs günləri sayılır.
Azərbaycanda təhsil müəssisələri 2020-ci il martın 3-dən koronavirus infeksiyası üzündən qapadılıb. Həmin il sentyabrın 15-dən başlayaraq təhsil müəssisələri mərhələlərlə açılıb. Nazirlər Kabinetinin 29 oktyabr 2020-ci il qərarı ilə təhsil müəssisələri yenə məsafədən iş formasına keçib, 2021-ci il fevralın 1-dən ümumi təhsil müəssisələrində ənənəvi tədris qismən bərpa olunub.
