İnflyasiya və maaş artımı göstəriciləri
Dövlət Statistika Komitəsi qiymət və əməkhaqqı hesabatları yayıb. Novator.az bildirir ki, rəsmi açıqlamaya görə, 2021-ci ilin yanvar-avqust aylarında istehlak qiymətləri 2020-ci ilin eyni dövrünə nisbətən 4,8 faiz artıb, ərzaq məhsulları, içkilər və tütün məmulatları 5,4 faiz, qeyri-ərzaq məhsulları və əhaliyə göstərilən ödənişli xidmətlər 4,2 faiz bahalaşıb.
Avqustun 1-nə ölkə iqtisadiyyatında muzdla çalışan işçilərin orta aylıq nominal əməkhaqqının əvvəlki ilin eyni dövrünə nisbətən 1,8 faiz artaraq 728,5 manat olduğu qeyd edilir.
