Qubad İbadoğlu: “Qurultay keçirməkdə qərarlıyıq”
2015-ci ildə yaradılmış Azərbaycan Demokratiya və Rifah Hərəkatı partiyaya çevrilmək ərəfəsindədir. Qurumun sədri Qubad İbadoğlu sentyabrın 8-də Novator.az-a deyib ki, partiyanın təsis qurultayına bir il əvvəl tam hazır olublar: “Ancaq 2020-ci ilin Vətən müharibəsini və ondan sonrakı dövrün tələblərini nəzərə alaraq qurultayı təxirə saldıq. İndi hazırlıq işini yekunlaşdırmaq üzrəyik. Partiyanın nizamnaməsinin və məramnaməsinin son layihəsi müzakirəyə hazırdır, yaxın vaxtlarda qurultay keçirməkdə qərarlıyıq. Bu ay ərzində qurultayın dəqiq vaxtını elan edəcəyik”.
1971-ci il təvəllüdlü Qubad İbadoğlu iqtisadçı alimdir. Uzun illər Müsavat Partiyasının öncül şəxslərindən olub.
