Azərbaycan Avropa birincisi
Azərbaycan milli komandası Avropada 2022-ci ilin dünya futbol çempionatına çıxmaq şansını itirən ilk yığma olub. Novator.az-ın məlumatına görə, sentyabrın 7-də seçmə mərhələnin altıncı turu start götürüb, A qrupunda yarışan milli Bakıda Portuqaliya yığmasına 0:3 hesabı ilə uduzub.
İrlandiya – Serbiya oyunu sülhlə bitib – 1:1.
Qrupda 13 xalla Portuqaliya liderlik edir. Serbiya 11, Lüksemburq 6, İrlandiya 2, Azərbaycan 1 xal toplayıb.
Qalan oyunların təqvimi belədir:
9 oktyabr
Azərbaycan – İrlandiya
Lüksemburq – Serbiya
12 oktyabr
Serbiya – Azərbaycan
Portuqaliya – Lüksemburq
11 noyabr
Azərbaycan – Lüksemburq
İrlandiya – Portuqaliya
14 noyabr
Portuqaliya – Serbiya
Lüksemburq – İrlandiya.
2022-ci ilin dünya çempionatı noyabrın 21-dən dekabrın 18-dək Qətərdə keçiriləcək. Reqlamentə görə, final mərhələsində 32 komanda təmsil olunur. Avropanın 13 vəsiqəsi var. Seçmə mərhələ 10 qrupu əhatə edir. Dünya çempionatına çıxmaq üçün qrupda birinci yeri tutmaq gərəkdir. İkinci yeri tutan 10 komanda və 2020-ci ilin Millətlər Liqasının 2 ən yaxşı komandası əlavə oyunlar keçirmək hüququ qazanacaq.
