Avropa qruplarında durum
Avropada 2022-ci ilin dünya futbol çempionatının seçmə mərhələsi davam edir. Novator.az bildirir ki, beş turdan sonra A qrupunda Serbiya və Portuqaliya (10 xal), B qrupunda İspaniya (10 xal), C qrupunda İtaliya (11 xal), D qrupunda Fransa (9 xal), E qrupunda Belçika (13 xal), F qrupunda Danimarka (15 xal), G qrupunda Türkiyə (11 xal), H qrupunda Rusiya və Xorvatiya (10 xal), İ qrupunda İngiltərə (15 xal), J qrupunda Almaniya (12 xal) öndədir.
2022-ci ilin dünya çempionatı noyabrın 21-dən dekabrın 18-dək Qətərdə keçiriləcək. Final mərhələsindəki 32 komandanın 13-ü Avropanı təmsil edəcək. Qitədə seçmə mərhələ 10 qrup üzrə aparılır. Dünya çempionatına çıxmaq üçün qrupda birinci yeri tutmaq gərəkdir. İkinci yeri tutan 10 komanda və Millətlər Liqasının 2 ən yaxşı komandası əlavə oyunlar keçirmək hüququ qazanacaq.
