60 yaşın “Şöhrət”i
Prezident İlham Əliyev Samir Şərifovu “Şöhrət” ordeni ilə təltif edib. Sentyabrın 6-da imzalanan sərəncam maliyyə sahəsində uzunmüddətli səmərəli fəaliyyətlə əsaslandırılıb.
Novator.az bildirir ki, Samir Şərifovun 60 yaşı tamam olur.
1961-ci il sentyabrın 7-də doğulan Samir Şərifov Kiyev Dövlət Universitetinin beynəlxalq əlaqələr və beynəlxalq hüquq fakültəsinin beynəlxalq iqtisadi əlaqələr bölməsini bitirib.
1983-1991-ci illərdə SSRİ-nin xarici iqtisadi əlaqələr sistemində (Bakıda və Yəmən Xalq Demokratik Respublikasında) iqtisadçı kimi çalışıb.
1991-ci ildən 1995-ci ilədək Azərbaycan Xarici İşlər Nazirliyinin beynəlxalq iqtisadi əlaqələr idarəsində şöbə müdiri, idarə rəisinin müavini işləyib.
1995-2001-ci illərdə Azərbaycan Milli Bankında departament direktoru, baş direktor, 2001-2006-cı illərdə Dövlət Neft Fondunda icraçı direktor olub, 2006-cı ildə maliyyə naziri təyin edilib.
