Qətər yolunda
2022-ci ilin dünya futbol çempionatının final mərhələsindəki 32 komandanın 13-ü Avropanı təmsil edəcək. Qitədə seçmə mərhələ 10 qrup üzrə aparılır. Dünya çempionatına çıxmaq üçün qrupda birinci yeri tutmaq gərəkdir. İkinci yeri tutan 10 komanda və Millətlər Liqasının 2 ən yaxşı komandası əlavə oyunlar keçirmək hüququ qazanacaq.
Novator.az bildirir ki, seçmə mərhələnin dörd turu arxada qalıb. Azərbaycan milli komandasının da yer aldığı A qrupunda Portuqaliya 10 xalla liderlik edir.
B qrupunda İsveç (9 xal), C qrupunda İtaliya (10 xal), D qrupunda Fransa (8 xal), E qrupunda Belçika (10 xal), F qrupunda Danimarka (12 xal), G qrupunda Türkiyə (8 xal), H qrupunda Xorvatiya və Rusiya (7 xal), İ qrupunda İngiltərə (12 xal), J qrupunda Ermənistan (10 xal) öndədir.
2022-ci ilin dünya çempionatı noyabrın 21-dən dekabrın 18-dək Qətərdə keçiriləcək.
