Prezident Sumqayıtda olub
Sentyabrın 3-də prezident İlham Əliyev Sumqayıt şəhərində səfərdə olub.
AZƏRTAC-ın məlumatına görə, dövlət başçısı Sumqayıt Məhkəmə Kompleksinin, Sumqayıt Kimya Sənaye Parkında “Azmonbat” Məhdud Məsuliyyətli Cəmiyyətinin, Sumqayıt Elektrik Stansiyasının yeni estakada nasos stansiyasının açılışlarında iştirak edib.
Dövlət başçısı həmçinin Heydər Əliyev Fondunun yeni inşa etdiyi 1100 şagird yerlik 20 nömrəli tam orta məktəbdə yaradılan şəraitlə tanış olub və güzəştli mənzil layihəsi çərçivəsində növbəti yaşayış kompleksinin təməlini qoyub.
