Manat nə qədər vəsait aparıb?
Dövlət Neft Fondu Mərkəzi Bankın avqustda keçirdiyi valyuta hərraclarında 512,3 milyon dollar ABŞ dolları məbləğində vəsait satıb. Rəsmi hesabat sentyabrın 2-də yayılıb.
Novator.az bildirir ki, 2021-ci ilin səkkiz ayının ümumi xərci 3 milyard 740 milyon dollardır. Yanvarda fonddan 644,9 milyon dollar, fevralda 437,3 milyon dollar, martda 397,7 milyon dollar, apreldə 509,9 milyon dollar, mayda 312,7 milyon dollar, iyunda 463,6 milyon dollar, iyulda 461,6 milyon dollar alınıb.
2015-ci ilin devalvasiyaları nəticəsində dolların rəsmi qiyməti 0,7844 manatdan 1,5594 manata yüksəlib, 2016-cı ildə kurs 1,7707 manata çatıb. 2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Manatı qorumaq üçün Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.
