Ermənistanın dövlət borcu necə artıb?
Ermənistanın İqtisadiyyat Nazirliyi ölkənin dövlət borcu barədə hesabat yayıb. Novator.az bildirir ki, açıqlamaya görə, 2021-ci il sentyabrın 1-nə dövlət borcu 8,9 milyard dollara çatıb. Bunun 6,6 milyard dolları xarici borc, 2,3 milyard dolları daxili borcdur.
Statistikaya əsasən, 2010-cu ilin əvvəlinə Ermənistanın dövlət borcu 2,9 milyard dollar, 2015-ci ilin əvvəlinə 4 milyard dollar, 2020-ci ilin əvvəlinə 6,8 milyard dollar, 2021-ci ilin əvvəlinə 8,1 milyard dollar olub.
Azərbaycanın Maliyyə Nazirliyi 1 iyul 2021-ci ilə ölkənin xarici borcunu 8 milyard 603,4 milyon dollar göstərib.
