Sentyabrın start qiyməti
“AzəriLayt” markalı Azərbaycan neftinin barreli sentyabr ayına 72,21 dollarla başlayıb. Novator.az bildirir ki, bu, büdcə qiymətindən 32,21 dollar yuxarı qiymətdir.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57, iyula 75,95, avqusta 73,48 dollarla start verib.
Gündəlik xam neft hasilatı yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel, iyulda 606 min barrel olub.
Energetika Nazirliyinin hesabatına görə, 2021-ci ilin yanvar-iyul aylarında Azərbaycanda kondensatla birlikdə 20,1 milyon ton neft çıxarılıb.
2008-ci ildə ölkədə 44,5 milyon ton neft hasil edilib, 2009-cu ildə hasilat 50,4 milyon tona, 2010-cu ildə 50,8 milyon tona yüksəlib.
2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton neft çıxarılıb.
2014-cü ildə hasilat 42 milyon tona, 2015-ci ildə 41,6 milyon tona, 2016-cı ildə 41 milyon tona, 2017-ci ildə 38,7 milyon tona düşüb.
2018-ci ildə hasilat 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton göstərilib.
