Qeyri-neft ixracı nə qədər artıb?
İqtisadi İslahatların Təhlili və Kommunikasiya Mərkəzi ixrac icmalı yayıb. Novator.az bildirir ki, rəsmi hesabata görə, 2021-ci ilin yanvar-iyul aylarında Azərbaycan 1,4 milyard ABŞ dolları dəyərində qeyri-neft məhsulu ixrac edib, 2020-ci ilin eyni dövrü ilə müqayisədə 30,5% artım qeydə alınıb.
Yeddi aylıq qeyri-neft ixracında meyvə-tərəvəz məhsulları 338 milyon dollarla üstün göstərilir: “Pambıq mahlıcı 133,8 milyon dollarla birinci, pomidor (tomat) 128,2 milyon dollarla ikinci, qızıl 116,9 milyon dollarla üçüncü yerdə qərarlaşıb”.
İxracın əsas ünvanlarının Rusiya, Türkiyə, İsveçrə, Gürcüstan və ABŞ olduğu vurğulanır.
