Estoniya parlamenti yeni prezident seçdi
Avqustun 31-də Estoniya parlamenti ölkəyə yeni prezident seçib. Novator.az-ın məlumatına görə, dövlət başçısı vəzifəsinə yeganə namizəd Alar Karis 101 nəfərlik parlamentdə 72 səs toplayaraq qalib olub. Səsverməyə 80 deputat qatılıb.
Alar Karis 1958-ci ildə doğulub. Alim və dövlət xadimidir. Eston Təbiət Elmləri Universitetinin, Tartu Universitetinin rektoru, Estoniyanın dövlət nəzarətçisi postlarını tutub. 2018-ci ildən Eston Milli Muzeyinin direktoru idi.
2016-cı ildən Estoniyaya Kersti Kalyulayd prezidentlik edir.
Estoniya parlament respublikasıdır, icra hakimiyyətinə rəhbərlik baş nazirin səlahiyyətindədir.
