Yaxın ölkələrdə pensiya yaşı
Azərbaycanda qadınlar 62 yaş yarımda, kişilər 65 yaşda pensiyaya çıxır. 2027-ci il iyulun 1-dək qadınların da pensiya yaşı 65-ə qalxacaq.
İqtisadçı alim, Azərbaycan Demokratiya və Rifah Hərəkatının sədri Qubad İbadoğlu yaxın ölkələrin pensiya yaşına da nəzər salıb. Novator.az-ın məlumatına görə, o yazır ki, Rusiyada pensiya hüququ qadınlar üçün 56, kişilər üçün 61 yaşda yaranır.
Moldova və Türkmənistanda qadınların pensiya yaşı 57, kişilərin pensiya yaşı 62-dir.
Belarus və Qırğızıstanda qadınlar 58, kişilər 63 yaşda pensiyaya çıxır.
Ukraynada pensiya yaşı həm qadınlar, həm kişilər üçün 60 yaşdır.
Qazaxıstanda qadınlar 60, kişilər 63, Gürcüstanda qadınlar 60, kişilər 65 yaşda pensiyaya göndərilir.
Ermənistanda qadınlar və kişilər üçün pensiya yaşı 63 yaş müəyyən olunub.
Əmək və Əhalinin Sosial Müdafiəsi Nazirliyinin son məlumatına görə, 2021-ci ildə Azərbaycanda 16,3 min nəfərə pensiya kəsilib.
2010-cu ilin əvvəlində 1 milyon 308,4 min nəfər pensiya alıb.
2011-ci ilin əvvəlinə pensiyaçıların sayı 1 milyon 292,2 min nəfərə, 2012-ci ilin əvvəlinə 1 milyon 277,6 min nəfərə, 2013-cü ilin əvvəlinə 1 milyon 272,1 min nəfərə düşüb.
2014-cü ilin əvvəlinə 1 milyon 277,1 min nəfər pensiyaçı qeydə alınıb.
2015-ci ilin əvvəlində 1 milyon 290,9 min nəfər, 2016-cı ilin əvvəlində 1 milyon 299,9 min nəfər, 2017-ci ilin əvvəlində 1 milyon 315,2 min nəfər, 2018-ci ilin əvvəlində 1 milyon 318,4 min nəfər pensiyaçı olub.
2019-cu ilin əvvəlinə pensiyaçıların sayı 1 milyon 295,5 min nəfərə, 2020-ci ilin əvvəlinə 1 milyon 270,6 min nəfərə, 2021-ci ilin əvvəlinə 1 milyon 228,8 min nəfərə enib.
2021-ci il iyulun 1-nə pensiyaçıların sayı 1 milyon 214,1 min nəfər göstərilib.
Ölkədə minimum pensiya 200 manatdır.
