20 gün 8 dollardan çox yeyib
Energetika Nazirliyinin 20 avqust məlumatına görə, “AzəriLayt” markalı Azərbaycan neftinin barreli 65,41 dollara satılır. Novator.az bildirir ki, bu, ayın əvvəlindəki qiymətdən 8,07 dollar aşağı qiymətdir.
2021-ci ilin dövlət büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57, iyula 75,95, avqusta 73,48 dollarla başlayıb.
Gündəlik xam neft hasilatını Energetika Nazirliyi yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel, iyulda 606 min barrel göstərib.
Dövlət Gömrük Komitəsinin hesabatına əsasən, 2021-ci ilin yanvar-iyul aylarında Azərbaycan 7,5 milyard dollarlıq neft ixrac edib.
