UEFA Konfrans Liqasında Azərbaycanı təmsil edən komandalar avqustun 19-u Bakıda dördüncü mərhələnin ilk oyunlarını keçirib. Novator.az-ın məlumatına görə, “Qarabağ” Şotlandiyanın “Aberdin” klubunu 1 cavabsız topla yenib, “Neftçi” isə İsrail “Makkabi”si (Hayfa) ilə xalları bölüb – 3:3.
Cavab matçları avqustun 26-na təyin olunub.
Yeni turnir olan Konfrans Liqası dörd təsnifat mərhələsi, qrup raundu, əlavə ələmə mərhələsi, 1/8 final, 1/4 final, yarımfinal və finaldan ibarətdir.
Qruplarda birinci yeri tutan komandalar 1/8 finala keçəcək, ikinci yeri tutan komandalar Avropa Liqasının qruplarında üçüncü olmuş komandalarla 1/8 finala çıxmaq uğrunda əlavə mərhələdə yarışacaq.
