Orta maaş statistikası
Dövlət Statistika Komitəsinin hesabatına görə, 2021-ci il iyulun 1-nə Azərbaycanda muzdlu işçilərin orta aylıq nominal əməkhaqqı 724,4 manat olub.
Neft-qaz sektorunda orta maaş 3230,7 manat, qeyri neft-qaz sektorunda 673,1 manat, dövlət müəssisələrində 639,5 manat, özəl müəssisələrdə 827 manat göstərilib.
Novator.az bildirir ki, iqtisadi fəaliyyət növləri orta maaş baxımından belə sıralanıb:
mədən sənayesi – 3179,6 manat;
maliyyə və sığorta fəaliyyəti – 2080,8 manat;
peşə fəaliyyəti, elmi və texniki fəaliyyət – 1190,3 manat;
informasiya və rabitə – 1149,3 manat;
dövlət idarəetməsi və müdafiə; sosial təminat – 969,3 manat;
nəqliyyat və anbar təsərrüfatı – 920,1 manat;
tikinti – 863,1 manat;
elektrik enerjisi, qaz və buxar istehsalı, bölüşdürülməsi və təchizatı – 765 manat;
emal sənayesi – 677,9 manat;
daşınmaz əmlakla əlaqədar əməliyyatlar – 676,5 manat;
turistlərin yerləşdirilməsi və ictimai iaşə – 570,6 manat;
su təchizatı, tullantıların təmizlənməsi və emalı – 551,9 manat;
istirahət, əyləncə və incəsənət sahəsində fəaliyyət – 534,9 manat;
əhaliyə səhiyyə xidməti və sosial xidmətlərin göstərilməsi – 532,1 manat;
ticarət; nəqliyyat vasitələrinin təmiri – 527,9 manat;
təhsil – 524,8 manat;
kənd təsərrüfatı, meşə təsərrüfatı və balıqçılıq – 439,9 manat;
inzibati və yardımçı xidmətlərin göstərilməsi – 432,3 manat;
digər sahələrdə xidmətlərin göstərilməsi – 715,9 manat.
Ölkədə minimum maaş 250 manatdır.
Əmək və Əhalinin Sosial Müdafiəsi Nazirliyinin hesabatına görə, 2021-ci ilin əvvəlinə muzdla çalışanların yarısı 343 manatdan çox, yarısı həmin məbləğdən az əməkhaqqı alıb.
