Hüquqpozmalar
Yarım illik hüquqpozmalar hesabatı yayılıb. Daxili İşlər Nazirliyinin məlumatına əsasən, 2021-ci ilin yanvar-iyun aylarında Azərbaycanda 14928 cinayət faktı qeydə alınıb, bu da 2020-ci ilin ilk yarısı ilə müqayisədə 12,2 faiz çoxdur: şəxsiyyət əleyhinə 2682, iqtisadi sahədə 5647, ictimai təhlükəsizlik və ictimai qayda əleyhinə 5789, dövlət hakimiyyəti əleyhinə 793 (onların 230-u korrupsiya cinayətləri və qulluq mənafeyi əleyhinə olan digər cinayətlər) cinayət rəsmiləşib. Digər cinayətlərin sayı 17 göstərilir.
Hesabata əsasən, yarım ildə cinayət məsuliyyətinə cəlb olunanların 61,8 faizi əmək qabiliyyətli yaşda olub heç bir yerdə oxumayan və işləməyənlər, 22,4 faizi əvvəllər də cinayət törətmiş şəxslərdir: “Cinayət törətmiş şəxslər arasında qadınların xüsusi çəkisi 5,8 faiz, 14-17 yaşda olan uşaqların xüsusi çəkisi 1,7 faiz təşkil edib”.
