Artım və azalmalar
Dövlət Statistika Komitəsi makroiqtisadi hesabat yayıb. Novator.az bildirir ki, rəsmi məlumata görə, yanvar-iyul aylarında kənd təsərrüfatının ümumi məhsulu 2020-ci ilin eyni dövrü ilə müqayisədə 5,6 faiz artıb, heyvandarlıqda 2,6 faiz, bitkiçilikdə 8,5 faiz yüksəliş qeydə alınıb.
Nəqliyyat sektorunda yük daşınmasının 2020-ci ilin yanvar-iyul aylarına nəzərən 3 faiz, sərnişin daşınmasının 15,2 faiz azaldığı vurğulanır.
İnformasiya və rabitə xidmətlərinin həcminin 5,9 faiz, əhalinin gəlirlərinin nominal ifadədə 0,6 faiz artdığı bildirilir.
Açıqlamaya əsasən, yanvar-iyul aylarında dövlət büdcəsinə 14 milyard 49,3 milyon manat vəsait daxil olub, büdcədən 13 milyard 681,6 milyon manat vəsait xərclənib.
İyulun 1-nə bank və digər kredit təşkilatlarının kredit portfeli milli valyuta ekvivalentində 15 milyard 258,1 milyon manat, əhalinin banklardakı əmanətlərinin milli valyuta ekvivalentində məbləği 8 milyard 435,4 milyon manat göstərilir.
