Narkotik cinayətləri 42,7 faiz artıb
Daxili İşlər Nazirliyinin məlumatına əsasən, 2021-ci ilin yanvar-iyun aylarında Azərbaycanda qeydə alınmış 14928 cinayətin 4145-i narkotik vasitələrin və psixotrop maddələrin qanunsuz dövriyyəsi ilə əlaqədar olub, bu da ötən ilin ilk yarısı ilə müqayisədə 42,7 faiz çoxdur.
Yarım ildə narkotik vasitələrin və psixotrop maddələrin qanunsuz dövriyyəsi ilə bağlı 2757 nəfər cinayət törətmiş şəxsin müəyyən edildiyi, onların 2719-nun cinayət məsuliyyətinə cəlb olunduğu, 38-nin cinayət məsuliyyətindən azad edildiyi vurğulanır.
