Fərqli nəticələr, eyni aqibət
Azərbaycanı UEFA-nın klub turnirlərində təmsil edən komandalar avqustun 12-də növbəti oyunlarını keçirib. Novator.az-ın məlumatına görə, Avropa Liqasının ilk təsnifat raundunda yer alan “Neftçi” Finlandiya paytaxtı Helsinkidə HİK klubuna 0:3 hesabı ilə uduzaraq Konfrans Liqasına köçüb.
Bakıdakı oyun heç-heçə bitmişdi – 2:2.
“Neftçi” Konfrans Liqasının dördüncü mərhələsində (19-26 avqust) İsraildən “Makkabi” (Hayfa) ilə görüşəcək.
Konfrans Liqasındakı təmsilçi “Qarabağ” Bakıda, üçüncü raundun ikinci oyununda Kipr AEL-ni 1 cavabsız topla məğlub edib.
Kiprdəki oyunda 1:1 hesabı qeydə alınmışdı.
Dördüncü raundda “Qarabağ”ın qarşısına Şotlandiyadan “Aberdin” çıxacaq.
