Sənaye və sərmayə göstəriciləri
Azərbaycanın müəssisələri və fərdi sahibkarlar yanvar-iyul aylarında 27,5 milyard manatlıq, 2020-ci ilin eyni dövrü ilə müqayisədə 1,1 faiz çox sənaye məhsulu istehsal edib. Hesabatı yayan Dövlət Statistika Komitəsi bildirir ki, neft-qaz sektorunda məhsul istehsalı 1,6 faiz azalıb, qeyri neft-qaz sektorunda 16,4 faiz artıb.
Başqa bir rəsmi açıqlamaya görə, yanvar-iyul aylarında əsas kapitala 7 milyard 59,3 milyon manat məbləğində, 2020-ci ilin yeddi ayına nəzərən 12,1 faiz az vəsait yönəldilib, neft-qaz sektoruna investisiyaların həcmi 10,4 faiz, qeyri neft-qaz sektoruna yönəldilən vəsaitin həcmi 13,4 faiz düşüb.
