Bu ay Azərbaycan nefti nə qədər ucuzlaşıb?
Energetika Nazirliyinin 10 avqust məlumatına görə, “AzəriLayt” markalı Azərbaycan neftinin barreli 68,96 dollara satılır.
Novator.az bildirir ki, Azərbaycanın 2021-ci il büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57, iyula 75,95, avqusta 73,48 dollarla başlayıb.
Avqustun əvvəli ilə müqayisədə Azərbaycan nefti 4,52 dollar ucuzlaşıb.
Gündəlik hasilat yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel olub.
