Dövlət qulluqçularına pensiya güzəşti rəsmiləşdi
Prezident İlham Əliyev dövlət qulluqçusuna qulluq stajına görə əmək pensiyasına əlavələr təyin edilməsi qaydasında yeniliyi imzalayıb. Qulluq stajına görə əmək pensiyasına əlavələr “Əmək pensiyaları haqqında” qanunla tənzimlənir.
“Dövlət qulluğu haqqında” qanuna əsasən, dövlət qulluqçusuna qulluq stajına görə əmək pensiyasına əlavələr təyin edilməsi üçün dövlət qulluğu vəzifəsində minimum 15 il qulluq stajı tələb olunur. Dəyişikliyə əsasən, dövlət orqanının əsasında publik hüquqi şəxsin yaradılması ilə əlaqədar dövlət qulluqçularının dövlət qulluğuna xitam verildiyi tarixə əmək pensiyası yaşına çatmasına ən çoxu 2 il qalmış dövlət qulluqçusu kimi əmək pensiyasına əlavə almaq hüququ onların dövlət qulluğu vəzifəsində minimum 13 il qulluq stajı olduğu halda yaranır.
Yenilik “Əmək pensiyaları haqqında” qanunda da əksini tapır.
