Qızılsız medallar
Azərbaycan idmançıları Yaponiyanın paytaxtı Tokioda keçirilən Yay Olimpiya Oyunlarında çıxışlarını bitirib. Novator.az bildirir ki, oyunlara 44 idmançı ilə qatılan Azərbaycan 3 gümüş, 4 bürünc medal əldə edib.
İyulun 23-də start götürən olimpiada avqustun 8-də sona çatır.
1991-ci ildə dövlət müstəqilliyini bərpa etmiş Azərbaycanın yarışdığı əvvəlki 6 olimpiadada 7 qızıl, 11 gümüş, 24 bürünc medal (1996-cı ildə 1 gümüş, 2000-ci ildə 2 qızıl, 1 bürünc, 2004-cü ildə 1 qızıl, 4 bürünc, 2008-ci ildə 1 qızıl, 1 gümüş, 4 bürünc, 2012-ci ildə 2 qızıl, 2 gümüş, 5 bürünc, 2016-cı ildə 1 qızıl, 7 gümüş, 10 bürünc) qazanılmışdı.
