Naxçıvanda nə qədər maaş alırlar?
Naxçıvan Muxtar Respublikasının Dövlət Statistika Komitəsi bildirir ki, 2011-ci ildən 1 iyul 2021-ci ilədək bölgədə 33 min 364 yeni iş yeri açılıb.
1 iyul 2021-ci ilə 462,3 min nəfər əhalinin 252,1 min nəfəri məşğul əhali kimi, muzdla işləyənlərin sayı 98 min nəfər, orta aylıq əməkhaqqının məbləği dövlət sektorunda 560,1 manat, qeyri-dövlət sektorunda 528,7 manat göstərilir.
Hesabata görə, 2021-ci ilin ilk yarısında muxtar respublikada sahibkarlara 18 milyon 253 min manat kredit verilib, kreditin 7 milyon 690 min manatı yeni istehsal sahələrinin yaradılmasına və ya genişləndirilməsinə, 10 milyon 563 min manatı fərdi sahibkarlığın inkişafına sərf olunub, 6 ayda 28 hüquqi və 1342 fiziki şəxs qeydiyyata alınıb, dövlət dəstəyi ilə 55 layihə üzrə istehsal və xidmət obyektləri yaradılıb.
