Qızıl statistikası
Novator.az Tokio Yay Olimpiya Oyunlarının qızıl medal siyahısına nəzər salıb.
İyulun 23-də start götürən olimpiada avqustun 8-də bitir. Beynəlxalq Olimpiya Komitəsinin avqustun 4-nə olan hesabatına görə, Çin 32 qızılla öndə durur.
ABŞ 25, Yaponiya 20, Böyük Britaniya, Avstraliya 15, Rusiya 14 qızıl medal əldə edib.
Almaniya 8, Fransa, İtaliya, Niderland, Cənubi Koreya, Yeni Zelandiya 6, Kuba 5, Macarıstan, Braziliya, Çexiya 4 qızıl medal götürüb.
Kanada, İsveçrə, Xorvatiya 3, İsveç, Tayvan, Polşa, Danimarka, Yamayka, Norveç, Sloveniya, Ekvador, Yunanıstan, İran, Özbəkistan, Kosovo, Qətər 2 qızıl qazanıb.
1 qızıl medalı olan ölkələr bunlardır: İspaniya, Gürcüstan, Rumıniya, Venesuela, Ukrayna, Honkonq, CAR, Slovakiya, Serbiya, Avstriya, İndoneziya, Belçika, Efiopiya, Uqanda, Filippin, Tunis, Türkiyə, İrlandiya, İsrail, Belarus, Estoniya, Fici, Latviya, Bermud adaları, Mərakeş, Puerto Riko, Tailand.
Tokio oyunlarında Azərbaycanın hələlik 3 bürünc medalı var.
Azərbaycanın qatıldığı əvvəlki 6 olimpiadada 7 qızıl, 11 gümüş, 24 bürünc medal əldə olunub: 1996-cı il olimpiadası 1 gümüş, 2000-ci il olimpiadası 2 qızıl, 1 bürünc, 2004-cü il olimpiadası 1 qızıl, 4 bürünc, 2008-ci il olimpiadası 1 qızıl, 1 gümüş, 4 bürünc, 2012-ci il olimpiadası 2 qızıl, 2 gümüş, 5 bürünc, 2016-cı il olimpiadası 1 qızıl, 7 gümüş, 10 bürünc medalla bitib.
