Qalib yoxdur
UEFA Avropa Liqasında Azərbaycanı təmsil edən “Neftçi” ilk təsnifat raundunun birinci oyununu keçirib. Novator.az-ın məlumatına görə, avqustun 3-ü Bakıda Finlandiyanın HİK komandasını qəbul edən paytaxt klubu heç-heçə ilə kifayətlənib – 2:2.
Cavab matçı avqustun 12-si Finlandiyanın paytaxtı Helsinkidə olacaq.
Növbəti raunda (19-26 avqust) çıxacağı halda “Neftçi” Türkiyədən “Fənərbaxça” ilə üz-üzə gələcək.
Ələnərsə, “Neftçi” Konfrans Liqasına adlayaraq dördüncü mərhələdə (19-26 avqust) ya İsraildən “Makkabi” (Hayfa), ya da Farer adalarından “HB Torshavn”la görüşəcək.
2021-2022 mövsümünə Çempionlar Liqasında başlayan “Neftçi” birinci raundda Gürcüstanın “Dinamo” (Tbilisi) komandasını ələyib, ikinci raundda Yunanıstan “Olimpiakos”una uduzaraq Avropa Liqasına köçüb.
