Ədliyyə Nazirliyinin rəsmi hesabatına görə, 2021-ci ilin ilk yarısında ölkə üzrə icra ediləcək işlərin sayı 850 mini ötüb: “Yarım ildə icrası təmin olunan və davam etdirilən icra sənədlərinin sayı 13 faizdən çox artaraq 350 minə çatıb. Fiziki və hüquqi şəxslərə 300 milyon manatadək, o cümlədən aliment işləri üzrə 37 milyon manata yaxın vəsait ödətdirilib.
Valideynlik hüququndan istifadə – uşaqla ünsiyyətdə olma tələbinə dair 6700-dən çox icra işinin icrası təmin edilib.
İcradan yayınma hallarına yol verən 2800 şəxs inzibati məsuliyyətə cəlb olunub, 244 borclu barəsində cinayət işi başlanıb. İcradan qərəzli yayınan 1562 borclunun ölkədən getmək hüququ müvəqqəti məhdudlaşdırılıb”.
