“Neftçi” və “Qarabağ”ın növbəti mümkün rəqibləri
UEFA-nın klub turnirlərində Azərbaycanı təmsil edən komandaların növbəti mümkün rəqibləri bəlli olub. Novator.az bildirir ki, Avropa Liqasında mübarizə aparan “Neftçi” ilk təsnifat raundunda (5-12 avqust) Finlandiyanın HİK komandası ilə üz-üzə gələcək. Avqustun 2-də atılan püşkə görə, növbəti raunda (19-26 avqust) çıxacağı halda “Neftçi” Türkiyədən “Fənərbaxça”ya rəqib olacaq.
Ələnərsə, “Neftçi” Konfrans Liqasının dördüncü mərhələsində (19-26 avqust) ya İsraildən “Makkabi” (Hayfa), ya da Farer adalarından “HB Torshavn”la görüşəcək.
Konfrans Liqasında yer alan “Qarabağ” üçüncü raundda (5-12 avqust) AEL-lə (Kipr) oynayacaq. Mərhələ keçilərsə, dördüncü raundda “Qarabağ”ın qarşısına ya İslandiyadan “Breydablik”, ya da Şotlandiyadan “Aberdin” çıxacaq.
