Qızıl medal alan ölkələrin siyahısı
Yaponiya paytaxtı Tokioda iyulun 23-dən keçirilən Yay Olimpiya Oyunlarında Azərbaycanın hələlik bir bürünc medalı var.
Avqustun 8-dək davam edəcək oyunlar dövlət müstəqilliyini 1991-ci ildə bərpa etmiş Azərbaycanın qatıldığı 7-ci olimpiadadır. Əvvəlki 6 olimpiadada 7 qızıl, 11 gümüş, 24 bürünc medal əldə olunub: 1996-cı il olimpiadası 1 gümüş, 2000-ci il olimpiadası 2 qızıl, 1 bürünc, 2004-cü il olimpiadası 1 qızıl, 4 bürünc, 2008-ci il olimpiadası 1 qızıl, 1 gümüş, 4 bürünc, 2012-ci il olimpiadası 2 qızıl, 2 gümüş, 5 bürünc, 2016-cı il olimpiadası 1 qızıl, 7 gümüş, 10 bürünc medalla bitib.
Novator.az bildirir ki, Tokio olimpiadasının rəsmi internet səhifəsi Çini 18 qızıl medalla öndə göstərir.
Yaponiya 16, ABŞ 14, Rusiya 10, Avstraliya 9, Böyük Britaniya 6, Cənubi Koreya 5, Niderland, Fransa, Almaniya, Kanada, Yeni Zelandiya, Çexiya 3, İtaliya, Macarıstan, Sloveniya, Xorvatiya, Kosovo 2 qızıl əldə edib.
Braziliya, İsveçrə, Gürcüstan, Rumıniya, Tayvan, Honkonq, Cənubi Afrika Respublikası, Avstriya, Serbiya, Norveç, Slovakiya, Tunis, Estoniya, İrlandiya, Özbəkistan, Bermud adaları, Ekvador, Fici, Yunanıstan, İran, Latviya, Filippin və Tailandın 1 qızıl medalı var.
Mənbə: Olympics.com
