Beş valyutanın yeddi ayı
Novator.az xarici valyutaların rəsmi məzənnələrinin yeddi ayda necə dəyişməsinə nəzər salıb.
Avro 2021-ci ilə 2,0854 manatla başlayıb. Ən yüksək kurs yanvarda 2,0958, fevralda 2,0697, martda 2,0547, apreldə 2,0618, mayda 2,0844, iyunda 2,0785, iyulda 2,0193 manat olub.
Gürcüstan larisi 0,5144 manatla start götürüb, yanvarda 0,5170, fevralda 0,5176, martda 0,5135, apreldə 0,4990, mayda 0,5205, iyunda 0,5463, iyulda 0,5519 manatı ötməyib.
Rusiya rublu yola 0,0229 manatla çıxıb. Maksimal məzənnə yanvar, fevral və mayda 0,0232, mart və iyulda 0,0233, apreldə 0,0229, iyunda 0,0237 manat səviyyəsində rəsmiləşib.
Türkiyə lirəsinin ilkin qiyməti 0,2291 manat olub. Yuxarı hədd yanvarda 0,2327, fevralda 0,2442, martda 0,2330, apreldə 0,2117, mayda 0,2063, iyunda 0,2027, iyulda 0,2007 manat göstərilib.
2015-ci ilin devalvasiyaları nəticəsində dolların rəsmi məzənnəsi 0,7844 manatdan 1,5594 manata yüksəlib, 2016-cı ildə qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manata təklif olunur.
Dövlət Neft Fondu Mərkəzi Bankın 2021-ci ilin ilk yarısında keçirdiyi valyuta hərraclarında 2 milyard 766,1 milyon ABŞ dolları məbləğində vəsait satıb. Yanvarda fonddan 644,9 milyon dollar, fevralda 437,3 milyon dollar, martda 397,7 milyon dollar, apreldə 509,9 milyon dollar, mayda 312,7 milyon dollar, iyunda 463,6 milyon dollar alınıb.
Manatı qorumaq üçün Dövlət Neft Fondu 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard dollar sərf edib.
