Ölkələrin qızılları
İyulun 29-na olan məlumata görə, Tokio Yay Olimpiya Oyunlarında ən çox Yaponiya idmançıları zirvə fəth edib: 15 qızıl medal.
Novator.az bildirir ki, Beynəlxalq Olimpiya Komitəsinin internet səhifəsi iyulun 23-də start götürən olimpiadanın hesabatında Çini 14, ABŞ-ı 13, Avstraliyanı 8, Rusiyanı 7, Böyük Britaniyanı 5, Cənubi Koreyanı 4, Fransa və Almaniyanı 3 qızıl medalla göstərir.
İtaliya, Niderland, Kanada, Macarıstan, Sloveniya, Xorvatiya, Kosovo 2 qızıl medal əldə edib.
1 qızıl medal qazanan ölkələr bunlardır: İsveçrə, Rumıniya, Braziliya, Tayvan, Çexiya, Yeni Zelandiya, Gürcüstan, Serbiya, Avstriya, Honkonq, Tunis, Estoniya, İrlandiya, Özbəkistan, Bermud adaları, Ekvador, Fici, İran, Latviya, Norveç, Filippin, Slovakiya, Tailand.
Azərbaycanın hələlik heç bir medalı yoxdur.
Avqustun 8-dək davam edəcək oyunlar 1991-ci ildə dövlət müstəqilliyini bərpa etmiş Azərbaycanın qatıldığı 7-ci olimpiadadır. Əvvəlki 6 olimpiadada ümumilikdə 42 medal əldə olunub: 7 qızıl, 11 gümüş, 24 bürünc.
1996-cı il olimpiadası Azərbaycan üçün 1 gümüş medal, 2000-ci il olimpiadası 2 qızıl, 1 bürünc medal, 2004-cü il olimpiadası 1 qızıl, 4 bürünc medal, 2008-ci il olimpiadası 1 qızıl, 1 gümüş, 4 bürünc medal, 2012-ci il olimpiadası 2 qızıl, 2 gümüş, 5 bürünc medal, 2016-cı il olimpiadası 1 qızıl, 7 gümüş, 10 bürünc medalla bitib.
Mənbə: Olympics.com
