Avropa Məhkəməsinə şikayət statistikası
Hüquqşünas Xalid Ağalıyev Avropa İnsan Hüquqları Məhkəməsinə (AİHM) Azərbaycandan göndərilən şikayətlərin statistikasını yayıb. Novator.az-ın məlumatına görə, o qeyd edir ki, Avropa Məhkəməsi yurisdiksiyasının qəbul olunduğu 2002-ci ildə Azərbaycandan quruma 265 şikayət göndərilib: “2003-cü ildə 266 şikayət, 2004-cü ildə 225 şikayət yollanıb. 2005-ci ildə şikayətlərin sayı 172 olub, həmin il ümumilikdə 120 şikayət siyahıdan çıxarılıb.
2006-cı ildə 445 şikayət qeydə alınıb, ümumilikdə 57 şikayət baxılacaq işlərin siyahısından xaric edilib.
Sonrakı illərin göstəriciləri belədir:
2007-ci il – 708 şikayət
2008-ci il – 334
2009-cu il – 361
2010-cu il – 334
2011-ci il – 532
2012-ci il – 342
2013-cü il – 325
2014-cü il – 403
2015-ci il – 268.
2016-cı ildə baxış gözləyən şikayətlərin sayı 1662 olub.
2017-2020-ci illərdə Avropa Məhkəməsinə 1900-dən çox şikayət göndərilib. Hazırda AİHM-də Azərbaycandan 2100 şikayət baxış növbəsindədir”.
Fransanın Strasburq şəhərində yerləşən, hakimləri Avropa Şurasına üzv ölkələrdən seçilən Avropa Məhkəməsi Avropa İnsan Hüquqları Konvensiyasına riayət olunmasına nəzarət edir.
Azərbaycan 1949-cu ildə yaradılmış Avropa Şurasına 2001-ci ildə qoşulub.
