Neft büdcə qiymətini nə qədər ötür?
Energetika Nazirliyinin 28 iyul məlumatına görə, Azərbaycan nefti “AzəriLayt”ın barreli 74,38 dollara satılır. Bu, büdcə qiymətindən 34,38 dollar yuxarı qiymətdir.
Azərbaycanın 2021-ci il büdcəsində bir barrel neftin qiyməti 40 dollardan götürülüb. “AzəriLayt” yanvara 50,92, fevrala 56,68, marta 65,66, aprelə 64,25, maya 66,55, iyuna 70,57, iyula 75,95 dollarla başlayıb.
Gündəlik hasilat yanvar və fevralda 593 min barrel, martda 592,1 min barrel, apreldə 594 min barrel, mayda 586 min barrel, iyunda 610 min barrel olub. Beynəlxalq razılaşmaya əsasən, Azərbaycan gündəlik hasilatı iyulda 620 min barrel həcmində saxlamalıdır.
Dövlət Statistika Komitəsinin hesabatına görə, 2021-ci ilin yanvar-iyun aylarında Azərbaycanda 17,1 milyon ton neft çıxarılıb.
2021-ci ilin ilk yarısında Azərbaycan 5,7 milyard dollarlıq neft ixrac edib. Novator.az bildirir ki, Dövlət Gömrük Komitəsinin yanvar-iyun hesabatında Azərbaycandan xam neft və xam neft məhsulları alan ölkələr belə sıralanır:
İtaliya
İspaniya
Hindistan
İsrail
Portuqaliya
Xorvatiya
Ukrayna
Tunis
Türkiyə
Kanada
Çin
Tailand
Almaniya
Belarus
Böyük Britaniya
Çexiya
Fransa
İrlandiya
Rumıniya
Avstriya
Avstraliya
İndoneziya
Rusiya.
