66-cının 22-si
2022-ci ilin may ayında İtaliyada keçiriləcək 66-cı “Avroviziya” beynəlxalq mahnı müsabiqəsinə qatılmaq qərarı vermiş ölkələrin sayı 22-yə çatıb. Novator.az bildirir ki, iştirak niyyətini ev sahibi ilə yanaşı bu ölkələr təsdiqləyib: Albaniya, Almaniya, Avstraliya, Bolqarıstan, Danimarka, Estoniya, Finlandiya, Fransa, İspaniya, İsrail, İsveç, İsveçrə, Malta, Niderland, Norveç, Polşa, Rumıniya, San Marino, Serbiya, Ukrayna, Yunanıstan.
İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında 27 ölkə zəfər əldə edib. İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç 3, Almaniya, Avstriya, İspaniya, İsveçrə, Ukrayna 2 dəfə, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
Mənbə: Wikipedia.org
