Diplomatik korpusda təyinatlar
Xəzər İbrahim Azərbaycanın Türkiyədə səfiri vəzifəsindən geri çağırılıb. Prezident İlham Əliyev sərəncamı iyulun 26-da imzalayıb. Başqa bir sərəncamla Rəşad Məmmədov Türkiyəyə səfir göndərilib.
Vaqif Sadıqovu Azərbaycanın BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi vəzifəsindən geri çağıran dövlət başçısı həmin posta Qalib İsrafilovu təyin edib.
Digər sərəncamla Fuad İsgəndərov Azərbaycanın Belçika və Lüksemburqda səfiri, Azərbaycanın Avropa İttifaqı yanında nümayəndəliyinin başçısı vəzifələrindən götürülüb.
Belçikada səfir postu Vaqif Sadıqova həvalə olunub.
Fuad İsgəndərov İsveçrədə səfir postuna təyinat alıb.
Cavanşir Axundov Latviyada səfir vəzifəsindən geri çağırılıb. Həmin posta Elnur Sultanov təyin edilib.
Anar Məhərrəmov Estoniyaya səfir göndərilib.
Elin Süleymanov Azərbaycanın Amerika Birləşmiş Ştatlarında səfiri və Azərbaycanın Amerika Dövlətləri Təşkilatı yanında daimi müşahidəçisi vəzifələrindən geri çağırılıb, Böyük Britaniya və Şimali İrlandiya Birləşmiş Krallığına səfir təyin edilib.
Xəzər İbrahim Amerika Birləşmiş Ştatlarına səfir göndərilib.
