2021-ci il yanvarın 5-dən Azərbaycanda Aİ-92 markalı avtomobil benzininin pərakəndə satış qiyməti 1 litr üçün 1 manat müəyyən edilib. Bakuresearchinstitute.org 2021-ci il mayın 1-nə muzdlu işçilərin orta aylıq nominal əməkhaqqının 722,3 manat göstərildiyini nəzərə alaraq yazır ki, Azərbaycanda orta maaşa 722 litr Aİ-92 markalı benzin almaq mümkündür. Sayt yaxın ölkələrdə 2021-ci il mayın 1-nə rəsmiləşən orta aylıq maaşa nə qədər benzin almağın mümkün olduğunu da hesablayıb. Qeyd olunur ki, Tacikistanda orta aylıq maaşa 145 litr Aİ-92 markalı benzin düşür.
Qırğızıstanda bu göstərici 370 litr, Özbəkistanda 381 litr, Ermənistanda 411 litr, Ukraynada 461 litr, Gürcüstanda 469 litr, Belarusda 743 litr, Rusiyada 1261 litr, Qazaxıstanda 1410 litrdir.
