Müdafiə Nazirliyinin məlumatına görə, iyulun 23-ü saat 16 radələrində Ermənistan silahlı qüvvələrinin bölmələri Azərbaycan Ordusunun Kəlbəcər rayonu sahəsindəki mövqelərini atəşə tutub. Snayper atəşi nəticəsində Azərbaycan Ordusunun giziri şəhid olub. Azərbaycan Ordusunun bölmələri cavab tədbirləri həyata keçirir.
Ermənistan 1988-1994-cü illərin təcavüzündə Azərbaycanın bütün cənub-qərbini ələ keçirib. 2020-ci il sentyabrın 27-dən Azərbaycanın apardığı hərbi əməliyyatlarda və noyabrın 10-da əldə edilən atəşkəs razılaşması nəticəsində Cəbrayıl, Füzuli, Zəngilan, Qubadlı, Ağdam, Kəlbəcər rayonları tam, Şuşa, Laçın, Xocavənd, Xocalı rayonları və keçmiş Ağdərə rayonu qismən azad edilib.
Vətən müharibəsində Azərbaycanın 2907 hərbi qulluqçusu şəhid olub.
